NYI FIKMIN

Nyi Fikmin

Meh unggal peuting, uing campego di korsi panghareupna. Melong manehna ngarengkenek di luhur panggung. Awakna jangkung sampulur nanding Aura Kasih, dipasieup ku beungeutna nu semu kareueut, matak ngacay rebuan baham nu teu bisa nahan calangap. Mun geus kitu uing sok ngadadak jadi ngajubleg. Pipikiran manco ngan keur manehna. Bari nyipta-nyipta si Nyai, bisa maca hate uing, jeung bisa ngahartikeun dua curuk uing, nu geus ngabagel, balas teu eureun-eureun ngetik ngaran manehna unggal wayah. “ Ieu lagu pamungkas ti Nyai !, hatur nuhun kana Kasumpinganana !” si Nyai nyorowok ti luhur panggung, mik napel na rema leungeunna nu rancunit. Rohangan diskotik eundeur, keprok tamplok. Hate uing muwuh leuwih kasirep ku talajakna. Tapi edas, beungeut manehna angger teu bisa katingali eces, robah ti waktu-ka waktu, kasorot ku mangrupa-rupa warna cahaya lampu blits, nu datang piligenti. Panon uing geus asa rek ngacleng tina cangkangna. Tapi nepi ka konser lekasan. Beungeut aslina weleh teu bisa ka tempo. “ Ah hiji waktumah, uing kudu langsung datang ka imahna ?, gerentes hate. Hayang nyaho beungeut si Nyai nu sabenerna waktu manehna hudang sare .

Koméntar kana ieu Fikmin:

1. Ade Nendang Rahman: Atuh ari hudang sare mah geura si Nyai teh sanes lamedong ku wedak, tapi ku dahdir.... heuheuheu.....
2. Ahmad Yani: Kang Ade Nendang Rahman : heu heu !, panasaran tuda Ang !, tos aya tilu sasihna, sim kuring reureujeungan na hate jeung si Nyai, tapi dugi kadanget ieu, asa can tiasa, terang "raray"na, nu saleresna ? he he he he ...
3. Meyz-Moelz Meliawati: Cobi keueuman ku cai uyah geura supados teu ngabagel mah kang,he...
4. Ahmad Yani: Meyz-Moelz Meliawati : Heu heu heu ... Leres kitu ? , bade di cobian manawi, sugan aya karaosna !. ha ha ha ha ha !
5. Tien Widartini Darodji: tah muhun upami hoyong terang pameunteu nu asli kedah dina hudang sare ,moal bau da artis mah sare nage teu weleh nganggo seuseungitan.he he he
6. Meyz-Moelz Meliawati: Duka tah..da abdi mah pami curuk rada heuras alatan tipalitek th sok janten sae deui..aeh..curukna asa rada aheng ieu th nya nu dimaksad ku Akang mah..he..ampun ahh...
7. Ahmad Yani: Teh Tien Widartini Darodji : Heu heu heu ..nyeta saur sepuh, pameunteu wanoja nu asli teh, saurna kedah di tingal waktos anjeunna gugah bobo !. ha ha ha ha. Manawi leres kitu oge, ah bade dilaksanakeun wae hi hi hi. sok sanaos saur Kang Ade Nendang Rahman mah, tangtos bakal seueur dahdiran ! hi hi hi !
8. Ahmad Yani: Meyz-Moelz Meliawati : Ah ..henteu aheng !, da curuk nu dipimaksad teh , estu curuk biasa, nu sadidinten sok dianggo ngetik ku urang mencetan key-board laptop . ha ha ha ha !!, omat ah ...ulah diabur teung imajinasi salira teh ...bilih Kaduna Ngora ...teras ! teu asak-asak ! hi hi hi hi hi hi hi !
9. Iwan R Jayasetiawan: Kang Ahmad Yani,Pami leres bade ngabuktoskeun,mugi candak Kang Irman Dimyatie,sareng Kang Jejen Jaelani War,kanggo saksi.Ari Kang Iwan Hanjuang mah moal keresaeun margi patilasan anjeuna
10. Maman Damiri: Mun rek ngadon nganjang ka manehna tong hilap sampeur sim uing !
11. Ahmad Yani: Kang Iwan R Jayasetiawan : Aeh...aeh ... sumuhun! leres !, asa janten kaemutan. Muhun ah bade nyobian ditaroskeun ka aranjeunna, engke upami pareng patepang ! heu heu heu .
12. Ahmad Yani: Maman Damiri : Heu heu heu ... diperhatoskeun pisan Uwa !, namung omat, oleh-olehna kedah ti Pangersa Uwa ! nya ? hi hi hi hi !
13. Ki Hasan: Jigana mun uing hayang ngararampa jiga kumaha beubeungeutan fikmin, tewak we dua gulang-gulangna. Nu hiji nu cetuk huis, nu hiji deui nu rada gereba. Ngaguliksek paguneman eta dua gulang-gulang, asana cukup ngawakilan keur ngararampa beungeut fikmin Sunda. Hehehe.
14. Iwan Hanjuang: nu geulis mah kudu hatena,jujur jeung nyaah,geulis ngan saukur pupulasan ,beungeut nyanghareup ati mungkir mah keur naon,geulis .ngora aya bosenna tapi hate mah,moal laas ku hujan jeung panas...
15. Tien Widartini Darodji: euh patilasan ayi Iwan Hanjuang anu kasabarahanya ,dasar atuh Arjuna fikmin seur patilasanana ,teu aneh nya ,heu heu hu heuh
16. Iwan Hanjuang: Tien Widartini Darodji.akang mah bageur say...
17. Ahmad Yani: Ki Hasan : Heu heu heu .. Tah... tah ...tah !, rupina leres kedah kitu nya ? heu heu heu ...Ah bade tataros heula rupina, milari waktos nu rineh ! , hatur sewu nuhun Ang ! , kana pituduhna !
18. Tien Widartini Darodji: yi,lepat nyerat tah,sanes baGeurtapi baDeur ha
19. Ahmad Yani: Kang@ Iwan Hanjuang : Nyeta rada sesah manawi Ang!, ningali lebet hate wanoja mah ! ha ha ha !. Kedah gaduh alat "Pendeteksi" nu canggih manawi Ang !? heu heu heu .... Cikan atuh, manawi di Ang Iwan aya, seja nambut sawengi we Nun ! heu heu heu !
20. Iwan Hanjuang: sabenerna mah rasa urang nu seukeut,nu bisa mastikeun mah,dina sorot mata ge kudu geus kabaca ,dina ucapna kudu geus kajudi,ngan lolobana poho jeung poek kasilib ku rupa dihareupeun urang.
21. Ki Hasan: Kang Ahmad Yani. Ngarah rada seru mah jigana, teu kedah naros langsung ka jinisna. Mending make jurus lima sobat atawa conan. Cukup ku nyusud pitapakna. Heheh
22. Ahmad Yani: Kang@Iwan Hanjuang : Mungguh rasa , ningan teu kinten sesah ngasahna Ang !, da rumaos hirup, muwuh pinuh ku areuy rereged. Janten sakalieun hoyong dipenta tulung teh, kalahka malik ngadilak, da isin balas ku mintul ! heu heu heu !
23. Ahmad Yani: Ki Hasan : Jurus lima sobat, memang asoooy kacida Ang !, ngajak urang nyungsi harti nu nyamuni, ku cara meres kesang sorangan !, namung nyeta... lumayan oge tarahalna jalan nu kedah di sorang, sok komo upami dadasar pangaweruh kangge janten " Detektif" dadakan teu acan nyampak ! heu heu heu !. Tapi nyaan asa aya tantangan nu matak pikaresepeun !!Ang !. Insya Alloh... seja di cobian ah !!, sok sanaos bari tetap utag-atog ge !, manawi wae bakal seueur jalmi nu haat, tiasa ngalelempeng lengkah, nu bade di sorang !. hatur sewu nuhun ! Kang !
24. Jojo Johari: Disebut Nyi teh pedah tungtung ngaranna aya "MIN". Tapi Amin mah Ujang/Akang/Bapa/Abah. Ngadimin mah komo Mas! heuheuheu ..aya-aya wae, nya uing mah? hareueueuh!
25. Iwan Hanjuang: dina pelebah dieu memang lalaki teh kudu percaya diri,tapi angger da kudu ngaji rasa,urang ka si eta,kira-kirana payus teu jeung kaayaan urang.urang menta tulung ka si eta bakal nulungan moal.apan aya elmu logika nu ku urang sok teu sadara atawa teu karasa.
26. Ahmad Yani: Kang Jojo Johari : Ha ha ha ha , tah eta pisan Ang !. Rada hulang jentul manawi sim uing ge ,waktos nyebat Nyi ..teh !, paur Mas Ngadimin ...ngambek !! hi hih ih ih hi
27. Ahmad Yani: Kang Iwan Hanjuang : Haduhhh ..nyaan Ang Iwan !, dugi ka eungap yeuh sim kuring meres harti cariosan salira !. Tah dina perkawis Ngaji rasa, rupina tangtos bakal aya padungdengan nu ragot dina batin urang teh, namung anu janten kabingung sim kuring teh, naha kedah saha atuh nu janten Mahkamah Agung kangge diri urang, nu tiasa nyindekkeun kasimpulan, tina adu renyomna rasa? , dalah upami di sanggakeun ka logika !, sok rajeun ningan logika mah, mung ngamuhit elmu nu nyoko kana teori kausalitas ?
28. Iwan Hanjuang: kahijina mah pangalaman Yi mahkamah teh,kadua kesimpulan peristiwa nu kaalaman ku batur,ka tilu feling anu kuat,ka opat mah takdir.Dongeng. aya hiji jelema rek kalembur ngaliwatan leuweung mun hayang deukeut,aya eta ge jalan lain ngan muter waktu tempuhna lila.jelema teh barang rek asup ka leuweung,aya nu ngabejaan,ulah jalan dieu aya maung keur lapar,jelema teh maksa asup,datang katengah leuweung gok jeung maung,tuluy dikerekeb,paeh tah jelema teh.aya deui jelema rek asup ka leuweung ,sarua dibejaan,teu jadi tah jelema teh muter jalanan .salamet.aya deui jelema asup ka leuweung eta euweuh nu ngabejaan,gok jeung maung,dikerekeb ,paeh tah jelema teh.cing kesimpulan ayi kumaha tina dongeng ieu..??
29. Ahmad Yani: Kang Iwan Hanjuang : Nyobian napakuran, ilustrasi kahirupan, dina wujud dongeng di luhur, kacindekan nu ngancik dina hate sim kuring rupinamah kieu : Jalmi nu kahiji, nu bade motong jalan lebet kaleuweung, tos aya jalmi nu haat ngawartosan, namung tetep neugtreug maksa, dugi ka antukna tiwas, di legleg maung. panginten kalebetna : JALMI NU ALIM NGEUNTEUNG KANA PANGALAMAN DEUNGEUN. Lajeng Jalmi nu ka dua, nu maksadna sami, namung kersa nurut kana pituduh nu sanes, lajeng dilaksanakeun, antukna Salamet dugi ka tempat tujuan sok sanaos Leumpangna muter ( Rada benten ti tujuan mimiti nu hoyong caket, ku jalan norobos leuweung ), ieu jalmi tiasa disebatkeun : JALMI NU KERSA NGUPINGKEUN, TUR KERSA DI AJAR TINA PANGALAMAN BATUR. Lajeng jalmi nu katilu , nu kaleresan teu aya milik pendak sareng nu ngabejaan .Tiwas dikerekeb maung. Pamendak abdi : ieu jalmi kalebet : JALMI NU TEU PENDAK SARENG PITUDUH BATUR ( namung dina perkawis kasang tukangna teu ieuh jelas, naha manehna teh Kedul neang pangalaman, atanapi takdir ) tapi abdi asa rada condong kana TAKDIR , sok sanaos tiasa janten bahan paguneman nu rada ragot. Rupina kasimpulan nu tiasa nyangkaruk dina hate sim kuring tina eta ilustrasi, nyaeta: Jalmi kedah kersa ngeunteung kana pangalaman deungeun, namung taya hiji jalmi ge nu tiasa nentang kana garis takdir nu tos ditangtoskeun ku nu maha kawasa . Kitu tah Kang Iwan, rupina, kacindekan nu tiasa ka ala ku sim kuring, nu rumaos masih keneh hejo tina pangalaman hirup . Hatur sewu nuhun Ang!, dina hate sim kuring tos ngawitan katingal enyay-enyayan aya bola beureum nganteng tina saneskanten kasauran Akang !
30. Ahmad Yani: Ambuing !! leres ningan Ang Iwan : Mahkamahna teh Pangalaman nya? eta pisan nu nyandak salamet, jalmi nu kadua ! nu tos kersa ngeunteung kana pangalaman jalmi nu tos haat masihan pituduh!. Duhh ... ieung !, asa hoyong murak leuwih jero !! ngeunaan : " Pangalaman mangrupa Mahkamah Hate !? " .
31. Iwan Hanjuang: Bener pisan yi,pangalaman,pituduh,ngeunteung,atawa wangkelang,teu cukup ,aya nu sok dipopohokeun takdir tea,tepat pisan ayi neuleuman dongeng teh ,jadi jelema mah angger kudu ihtiar tapi tetep pinalna mah aya di nua kawasa.
32. Iwan R Jayasetiawan: Kang Ahmad Yani,Sing asak ngejo bisi tutung tambagana. Barabe kang upami kejo oge tambaga sami-sami tutung mah.heheheh
33. Yat Minus Kasepna Thea: upami dina panggung mah tangtos katawis geulis margi di poles ku make up....numwi saupami salira bade nyidikkeun si nyai nuju lugay tina kulemna...satuju pisan....
34. Rohendi Pandeglang: asik fikminna, asik komenna, asik asik asik lapakna euy.... Beuki pogot... Hanjakal waktu noongna beuki eutik kwarimah yeuh kula... Ber tah jempol Ka.
35. Godi Suwarna: :"Asooooy gebooooy, Mang Yan...! Nyeratna ngentepseureuh. Apik ngawangun suasana konser sareng 'jeroan' si uing. Pungkasanana oge ngaleok ka nu teu disangka-sangka. Sok sanaos aya kecap nu kirang pas, kaubaran ku jenglengan fikminna nu weweg..."
36. Ahmad Yani: Kang Iwan R Jayasetiawan : Sapuk pisan Ang!, memang ideana mah kedah kitu pisan..Nun !. Mung nyeta ningan ari nuju "lapar" mah, komo bari diudag-udag ku kahayang nu nyongsrong mah, tampolana sangu gigih ge !, sok teras wae di samualkeun. Antukna panangan we nu katempuhan balas cangkeul ngagaro imbit nu karemian ! ha ha ha h a ha ha ! ( Hatur sewu nuhun ! Ang ! , nuju usum naon yeuh di Tasik ? he he he ... )
37. Ahmad Yani: Yat Minus Kasepna Thea : Lares pisan Ang !, kedah di tempo langsung ka bumina manawi, komo mun pareng pendak nuju lugay tina kulemna mah !, pasti moal nyalahan deui tah, ningali geulisna nu sajati Nyi Fikmin teh ! heu heu heu , hatur sewu nuhun Ang ! tebih-tebih ti Cibinong parantos rurumpaheun kersa mairan ! Katampi pisan ! Ang !
38. Ahmad Yani: Aka Rohendi Pandeglang: halahhhh ... ku naon atuh ? si Aka teh bet rurusuhan ? boro tos atoh rek namplokkeun ka sono ! he he he !. hatur nuhun pisan Aka , kana apresiasina . Nyeta nuju nikreuh we , bari sok sanaos dadaligdeugan ge, hoyong tiasa nepi, nepungan Nyi Fikmin ka bumina !. heu heu heu !
39. Kokom Komariah: Haduuh teu sangki pangalaman kang Iwan Hanjuang meni merekis kitu, abdi janten mukmak mekmek yeuh sagala diasupkeun , ditambih ti Kang Ahmad Yani, ngan sieun kabuhulan. Kedah ku cai herang heula diselang.
40. Ahmad Yani: Kang Godi Suwarna : Asa bungangang ieu manah !, nguping pangdeudeul sumanget ti Ang Perbu!, seja ngeteyep we ..Nun !, mamanawian tiasa dugi ka nu dipiharep, tepang jonghok sareng Nyi Fikmin nu tos lami janten bentang lamunan sim kuring. Ieu Fikmin basajan teh ku sim kuring ngahaja di aos deui sababaraha balikkan, ari pek teh leres pisan masih keneh seueur kalepatan, utamina dina milih diksi nu kirang pas. Di antawisna wae, kecap Campego nu tangtos kirang merenah ( Piraku Campego, bet dina korsi ?). Katampi pisan koreksina, kangge bahan lenyepaneun sim kuring ka payun, nu teu kinten ageung pisan mangpaatna.
41. Deni Riaddy: Ang, cobian atuh mondok di bumina geura. pasti katingal asli pas gugah bobona.......
42. Tanti Damayanti: Leuh kang Iwan Hanjuang, Kolot kalapa, mani jero..... , lah teu acan kataekan komen jiga kitu teh, jempol wae kanggo nu nyerat sareng nu koment ...
43. Ahmad Yani: Deni Riaddy : Heu heu heu , kitu pisan kahoyong mah , Ang!, namung kumaha atuh? boro-boro tiasa mondok di bumina, dalah sakalieun patepung di jalan pasampangan ge, ieu beungeut sim Uing, tos teu mangrupa balas cipruk ku ciduh ! hi hi hi hi hi hi hi . Tapi teu ieuh janten nyeri hate, da rumaos sim uing mah tos buleud karep, hoyong tiasa naklukeun hate Nyi Fikmin . Sok sanaos duka jaman mana tiasa ngahiji jeung hatena ! ha ha ha ha !
44. Ahmad Yani: Neng@Tanti Damayanti : Leres pisan pamendak teh, dalah sim kuring ge, dugi ka beueus cisoca, bakat ku bungah, mendak piwuruk ti nu janten Lanceuk ( Ang! Iwan Hanjuang !), nu sakitu jerona. Bahan lenyepaneun nu tangtos ageung pisan mangpaatna, kangge batur ngalengkah nyorang jalan tincakeun nu pinuh ku areuy hahalang.
45. Ahmad Yani: Kokom Komariah : halahhhhh ... kutan dugi ka makmek-mekmek kitu nya ??? heu heu heu , antare wae atuh Teh,cing salse ! ? kade ah bilih janten kabuhulan . Hayu gera urang teras keleketek Kang@Iwan Hanjuang teh, moal teu murudul gera elmuna !, kangge pulunganeun urang sarerea !